"Poj Nrauj" Volume 7 Lyrics
Poj Nrauj
Written by: Kou Yang
Txawm koj yuav yog poj nrauj
koj zoo nkauj tshaj tus hluas nkauj
koj zoo tau, tus me dawb paug
koj zoo nkauj, cuag ntxhais qaum ntuj
Txawm koj yuav yog poj nrauj
koj zoo nkauj tshaj puas tsav yam
yam lub paj tawm ci tshiab kaj
me nkauj fa, hnub twg thiaj tau koj
Koj zoo nkauj npaum li nkauj suav
ua rau kuv, txoj sia yuav tu yuav tuag
ntsia npaum cas, los ntsia tsis nrhuav
ciaj thiab tuag, tsuas tau koj los puag
Txawm koj yuav yog nkauj fa
koj zoo tshaj ib tug nkauj xwb
ntsia thaum twg, koj luag nyuj nyav
me nkauj fa, kuv hlub koj tshaj
Yog Tsis Muaj Koj
Written by: Paul Ly (Lis Pov) 1997
Sang by: Holly Ly
Nyob hauv qab ntuj, yog tsis muaj koj
kuv tsis paub nyob, tsis paub ua neeg
yog tsis muaj koj, ntshe yuav txhawj xeeb
tsis paub lub neej, yuav xaus qhov twg...
Nyob hauv yaj ceeb, yog tsis muaj koj
txhua txhia txhua qhov, tsis zoo ntxim nyiam
yog tsis muaj koj, los deev lub siab
kuv yuav thov khiav, hauv ntiaj teb mus
Koj yog duab ntxoo thaum tshav ntuj kub
koj yog lub hnub tawm tuaj txhua zaus
koj yog lub hli tawm hmo ntuj tsaus
koj yog lub kaus roos thaum los nag
Nyob hauv ntiaj teb yog tsis muaj koj
kuv yuav tsis thov ua neeg ntxiv lawm
yog tsis muaj koj ua txwj ua nkawm
kuv yeej tsis ntshaw txog tus dab tsi
Sam Thong
Written by: Paul Ly (Lis Pov) 1997
Samthong, koj nyob rov tuaj tom qab
nco txog yav tas, nyob rau Samthong
Hmoob thiab mab sua, nyob ntxhua pes nphoos
nkauj Hmoob naj nyoos, los zoo ntxim siab
Samthong, ncaim koj lawm tau ntau fab
hnov luag tej cav tias, koj ua nroog txias
tej vaj tej tsev, ua zoo nuj xiab
tsis muaj liaj ia, li yav tas los
Looj Ceeb Samthong, yog Hmoob Chaw tshua
Hmoob los kua muag, txhua leej txhua tus
tsiv teb tsaws chaws, siab ntsws puas tsus
Hmoob thiaj ncaim mus, rau leeg ib qho
Samthong, koj nyob rov tuaj nruab siab
tseem xav hais tias, muaj ib hnub twg
yog muaj txoj hmoo, tau rov los tshwm
mam los tswj fwm, koj nyob ruaj ntseg
Ib Tag Hmo Lawm
Written by: Paul Ly (Lis Pov) 1997
Sang by: Pao Ly & Holly Ly
Ib tag hmo lawm, yuav ncaim koj mus
tag kis kaj ntug, mam sib ntsib dua
sib ncaim li no, mam rov qab tuaj
thov kom koj tshua, pw npau suav zoo
Ib tag hmo lawm, yuav ncaim nplooj siab
plawv ua doog diaj, siab tsis xav mus
ntseg yuav nco nco, txog tus me hlub
tos tsis tau hnub, yuav sib ntsib dua
Xav rub sij hawm, caij nyug kom nres
xav kom ntiaj teb, nres txij li no
thiaj yuav tsis ua, kom tau ncaim koj
xav kom wb nyob, li no mus li
Ib tag hmo lawm, yuav ncaim koj tiag
thov txhob hloov siab, thaum kuv ncaim lawm
txhob muaj tus tshiab, tuaj hloov kuv chaw
ces wb yeej sawm, los tau ua ke
Kev Hlub Raug Txiav
Written by: Paul Ly (Lis Pov)
Txoj kev sib hlub, tso tseg li no
vim tias koj yog, ntxhais nkauj Hmoob dawb
koj niam koj txiv, puab thiaj tsis ntshaw
tau ntxhais Hmoob dawb, los ua nkauj nyab
Txoj kev sib hlub, tso tseg zoo dua
vim yog dab qhua, tsis zoo ib yam
koj niam koj txiv, puab thiaj tsis kam
tsis pub koj tham, pawg coj dab qhua
Yuav coj cai tshiab, los coj cai qub
txoj kev sib hlub, yeej tsis muaj ciam
yuav yog Hmoob dawb, los yog Hmoob liab
tsuav yog muaj siab, ces sib hlub tau
Txoj kev sib hlub, tso tseg lawm tiag
vim raug luag txiav, kev hlub tus nrho
sib hlub tsis tau, lam ua neeg nyob
lwm tiam mam rov, los sib hlub dua
Sib Paub
Written by: Paul Ly (Lis Pov) 1997
Wb twb sib paub, los tau ntau xyoo
kuv yeej paub zoo, tias koj txaus siab
tau ntev tav no, cas koj tsis qhia
yuav tos tsawg tiam, koj mam li hais
Wb twb sib paub, los tau ntau xyoo
puas muaj txoj hmoo, tua hlub nrog koj
kuv ua siab ntev, tos txog tav no
tos hlub nrog koj, saib puas yuav tau
Kuv lub suab hu, nrov thoob qab ntuj
ua suab nkauj yug, koj siab koj ntsws
los zoo li koj, tsis hnov txog nws
yog koj txhob txwm, los xav tsis tau
Wb twb sib paub, los tau ntau xyoo
tsis muaj caij nyoog, tau sib hais li
koj puas laj xav, txog kuv ib chim
saib wb puas tsim, los sib hlub tau
Xav Kom Txawj Txia
Written by: Pao Ly (Lis Pos) 1994
Nruab hnub hmo ntuj, kuv tshua kuv nco txog
koj
vim kuv nco txog, lo lus hais luag ntxhi
kuv lub siab mob, lub ncauj quaj dhi
xav kom txawj plhis, yuav tuaj nrog koj mus
Ntuj teb tag hmo, npau suav koj nyob ib sab
xav tias yog tiag, ua cas yog kev npau suav
kuv lub siab quaj, seev txog koj txhua hmo
xav kom txawj txia, yuav ya tuaj nrog koj nyob
Lub hnub lub hli, thov nej mus qhia rau nws
tias kuv hlub nws, ntsaw nws txoj kev hlub
txhob ua siab dub, tso kuv nyob quaj nco
Nruab hnub hmo ntuj, kuv tshua kuv nco txog
koj
ntuj tav li no, koj quaj los koj luag
kuv lub siab quaj, xav ntsib xav pom ib pliag
kuv me nplooj siab, thov lub ntuj lub teb pab wb
Ua Tsaug
Written by: Pao Ly (Lis Pos)
Ua tsaug, tau hlub koj ib zaug
ua tsaug, wb txoj kev nkauj nraug
ua tsaug, ntawm wb txoj kev hlub
txawm sib ncaim mus, los yuav nco tas ib txhis
Ua tsaug, ntawm koj sib dawb paug
ua tsaug, ntawm koj lub siab loj
ua tsaug, ntawm wb sib hlub los
txawm ncaim mus los, yuav tshuav tas sim neej os...
Tus me ntxim hlub,
nco koj lo lus
hais lus luag ntxhi
kuv siab quaj nrhi thaum nco txog koj os...
Ua tsaug, ntawm wb tau sib ntsib
ua tsaug, ncaim mus los txhob chim
ua tsaug, tsis vim leej twg li
yog tau sib ntsib, mam rov sib hlub dua